Толэзь узыр луоз пӧртэм ужрадъёсын. Нуналлы быдэ гуртъёсын но черкогуртъёсын элькунамы улӥсь йӧскалыкъёслэн лулчеберетсылы сӥзем ужрадъёс ортчозы.

Кылсярысь, 25-тӥ шуркынмонэ Пыктыдур гуртын ӟуч лулчеберетлы сӥзем нунал ортчоз. Ӟуч лулчеберетъя «Рябинушка» центр вань мылкыд карисьёсты ӟуч гурлы сӥзем ужрадэ ӧте. Гур- коркалэн шор сюлмыз. Соин но, дыр, ӟуч фольклорын туж трос кырӟанъёсын, выжыкылъёсын, преданиосын солэн образэз пумиське. Ужрадэз ортчытӥсьёс та нуналэ гурын пӧртэм сиён-юон дасялозы но лыктэм адямиосты соосын куноятозы.

27-тӥ шуркынмонэ Дэбес ёросын, быдэс дуннеын кадь ик, Анайёслэсь нуналзэс пусъёзы. Ужрадэз ортчытэ «Удмурт Кенеш» мерлыко огазеяськонлэн ёзэтэз. Та нуналэ Шаркан, Эгра, Балезино, Кез ёросысь куноос вуозы.

Толэзь дыр куспын крезьгуро фестивальёс радъяськозы. Одӥгез соос пӧлысь сӥземын удмурт крезьгурчилэн Николай Егорович Шкляевлэн 90 арес тырмонэзлы. Мукетыз – «Лейся песня!» Литературалэн арезлы.

Та толэзе Дэбес черкогуртын «Единство – наша сила» аспӧртэмлыко радио-газет потоз. Радио-рупорен автомобиль вералоз ӟуч, удмурт сям-йылолъёс сярысь, тодматоз азербайджан, армян, бигер диаспораос сярысь.

17-тӥ толсуре толэзь йылпумъяськоз ческыт фестивален.

Та нуналэ куноослэн удмурт, ӟуч, казак азербайджан, чечен, армян калыкъёслэн сиён-юонэнызы тодматскыны но веръяны луонлыкез вань.

Материал дасямын: «Калыкъёслэн Эшъяськон юртсы» УЭ КВУ