6-тӥ инвожое Красногрск ёросысь Бараны гуртын старообрядецъёсэн лулчеберетсылы сӥзем «Петровское Заговенье» III Элькун фестиваль радъяськоз.

Фестивале Ува ёросысь но Киров улосысь коллективъёс вуозы, кибашлыос ужъёсынызы аӟдытон радъялозы. Ужрадлэн валтӥсь меретъёсыз: старообрядецъёслэсь лулчеберетсэс улӟытон но утён, егитъёсыз калылк лулчеберетэн тунсыкъяськытон, коллективъёсын тодматскон.

Лыктэм куноос пӧртэм вожвылъяськонъёсы пыриськыны быгатозы: частушка быдэстонъя «Петровский перепляс», турын турнанъя «Коси, коса!». Озьы ик луонлыксы луоз йӧскалык сиёнъёсты веръяны, чугун пуртыысь ӝук сиыны, паймымон кырӟанъёсты кылыны, хороводэ пыриськыны.

Ужрадэз ортчыто: Удмурт Элькунысь йӧскалык политикая министерство, ӟуч лулчеберетъя Удмурт Элькунысь огазеяськон, Калыкъёслэн Эшъяськон юртсы, «Красногорск ёрос» муниципал кылдытэт Администраци. .