ВДНХ-лэн павильоназ удмурт суредаськисьёс, модельеръёс, дизайнеръёс, кинорежисеръёс Мускоын улисьёсты но лыктэм куноосты тодматозы удмурт лулчеберетэн. Туала аудио но видео технологиосты уже кутыса учкисьёсты тодматозы выль шӧмо лулчеберет ӵектосъёсын, аутентичной этнографиен, ретроспективной кинематографиен.

Ужрадэ пыриськозы: видео-художник Лев Вахитов («Солнечный зайчик. Художник Месандык Гарипов» нимо фильм-портретэз понна «ТЭФИ-регион» премиен пусъемын), художник-модельер, дӥсьёсты выльдӥсь Татьяна Москвина, модельер Полина Кубиста, суредась, ыжгонлэсь арбериос лэстонъя кибашлы Александр Пилин, удмурт инди-фолк-группа «Silent Woo Goore», «флортекстиль»амалэн вырись кибашлы, суредась Зоя Лебедева но мукет адямиос, кудъёсыз туала удмурт лулчеберетэн выро.

Мускооны улисьёслэн быдэс толэзь ӵоже луонлыксы луоз пӧртэм пумо мастер-классъёсы, семинаръёсы, писательёсын пумиськонъёсы, концертъёсы пыриськыны.