Вожвылъяськонэ пыриськон понна даур.рф вотэсбамын вазиськон гожтоно яке ВКонтакте/Инстаграм бамъёсын таӵе текст пуктоно: “Участвую в Конкурсе «ДаУР!»”, кудӥз бордын одно ик луыны кулэ элькунысьтымы учкымон-данъяськымон интылэн фотоез но со сярысь ивортон #ДаУР100#ОткрываемУдмуртиюВместе хештеген.

Куарасётон кутскоз 18-тӥ куартолэзе. 100 интыос, кудъёсыз тужгес но трос куара люкалозы, Удмуртилэн тужгес но дано(синмаськымон) интыосыз пӧлы пыртэмын луозы.

Тодады вайытомы, Удмуртилэн кунлык басьтэмезлы 100 ар тырмонлы сӥзьыса, “ДаУР” туристической ӵектос ужзэ мытӥз. Улосчиосмы вожвылъяськонэ пыриськыса, элькунысьтымы 100 тужгес но тунсыко интыосты бырйыны, шаермылэн дано интыосыныз интерактивной мутус (карта) лэсьтонэ пыриськыны быгатозы.

Проектлэн нимыз огшоры бырйемын ӧвӧл: даур – со 100 ар, нош “Да” + “УР” аббревиатура – “Да, Удмуртская Республика”.