Арсений Поздеев – Элькун лицей-интернатлэн но Дэбес ёросысь Зар-Медлоысь лулчеберетъя юртлэн дышетскисез.

2022-тӥ аре Удмуртиысь йӧскалык политикая министерствоен радъям субсидия люконъя вожвылъяськонын 2-тӥ инты басьтӥз но 110 сюрс коньдон утӥз.

Та коньдонэн лулчебертъя юрт басьтӥз техника, кудӥз Арсенийлы приложение кылдытыны юрттӥз.

«WORDSкон» нимаськись приложение – со йырвизьтӥян, кытын букваослэсь удмурт кылъёс кылдытоно. Шудӥсьлы ӵош сылӥсь букваосты валчеяно озьы, удмурт кыл мед пӧрмоз шуыса. Азьлане мынэмъя, гожпусъёслэн но кылъёслэн лыдзы будэ.

Удмурт кылэз – шудон пыр – дышетыны кутскыны луэ та ссылкая.

Приложение Android инъетэн лэсьтосъёслы гинэ тупа.