25-тӥ южтолэзе Дэбес ёросысь «Чупчигур» лулчеберет юртын «Русская красавица» ёроскуспо вожвылъяськон радъяськоз.

Вожвылъяськонлэн меретэз – ӟуч калыклэсь лулчеберетсэ дунъяны дышетон, сям-йылолъёссэ утён.

Чеберинаослы нырысь ик асьсэ сярысь мадёно луоз, бӧрысь котькудӥз ӟуч калык дӥсьлэсь чеберзэ возьматоз, куинетӥез эскерон – кырӟан быдэстон яке кылбур лыдӟон, ньылетӥез – йырси пунэт лэсьтон. Со сяна нылъёслэсь ӟуч калыклэсь историзэ но лулчеберетсэ тодэмзэс эскерозы, юанъёс сётъялозы. Чеберинаослэн гуртэ ужзы но вань – калык сиён дасяно.

Нылкышно чеберлыкез дунъялоз жюри, кудаз пыремын лулчеберетъя кивалтоннилэн ӧнерчиосыз, ӟуч лулчеберетъя мерлыко огазеяськонлэн Кез, Эгра но Дэбес ёросъёсысь ёзэтъёсызлэн ёзчиосыз.

Вожвылъяськонэ пыриськыны быгато 16-35 аресъем нылъёс. Заявка сётыны луэ 2-тӥ южтолэзёзь таӵе адресъя: DRdk-Chypchgyr@yandex.ru

Туспуктэм: https://art-polygone.narod.ru/index/0-65