6-7-тӥ куарусёнэ Калыкъёслэн Эшъяськон юртазы «Дом дружбы народов как модель ресурсного центра в сфере государственной национальной политики: разработка стратегии развития» (Калыкъёслэн Эшъяськон юртсы – йӧскалык плитика удысысь ванёс центрлэн модэлез: азинтӥськон стратегизэ малпан) нимо семинар радъяськоз.

Радъяло сое Удмурт Элькунысь йӧскалык политикая министерство но Калыкъёслэн эшъяськон юртсы Россия Федерациысь улосъёсты азинтонъя министерстволэн но «Россиысь калыкъёслэн Ассамлеязы» мерлыко огазеяськонлэн юрттэменызы.

Улосъёсын ванёс центръёс усьтон – Россиысь калыкъёслэн Ассамблеязылэн валтӥсь ӵектосэз. Йӧскалык политикаез быдэстӥсьёслы (мерлыко огазеяськонъёс, ивор вӧлмытысь валтосъёс, лулчеберет ужъюртъёс) ватсаса ванёсъёс кылдытон сяна, проектлэн валтӥсь ужпумез – улосъёслы куспазы ужаны луонлык кылдытон.

Семинаре пыриськозы Россия Федерациысь Калыкъёслэн эшъяськон юртъёслэн директоръёссы, мерлыко огазеяськонъёслэн Россия Федерациысь центръёслэн кивалтӥсьёссы, мерлыко огазеяськонъёслэн ёзчиоссы, ивор вӧлмытӥсь валтосъёс, тӧрлык ёзэсъёс. Семинарез нуоз – Борис Маркович Островский, методолог, корпоративной ӵектосъёслэн кивалтӥсьсы, бизнес-консультант, тренер (г. Москва).

Меретъёс но ужпумъёс:

Мерлыкен кун тӧрлык ёзэслы кусып тупатон понна площадка кылдытон, кудӥз юрттоз Удмуртиысь калыкъёслы азинтӥськыны луонлык кылдытыны, йӧскалык кусыпъёсты юнматыны, тупаса улонэз вӧлмытыны;

Ванёс центрлэсь, кудӥз Россия Федерацилэсь йӧскалык политиказэ Удмурт Элькунын быдэстонэ пыриськисьёслэн куронъёссылы тупалоз, модэльзэ лэсьтон.

Семинарлэн емышез – ванёс центрлэн модэлез, кудзэ мукет улосъёсын но кылдытыны луоз.

Семирлэн программаез:

5-тӥ куарусён 2014-тӥ ар.

Куноосты пумитан, экскурсия.

6-тӥ куарусён 2014-тӥ ар.

9:30-10:00 – семинаре пыриськисьёсты тодмостон

10:00-11:00 -семинарез усьтон

11:00-17:00 – дышетскон программа

17.00 – шутэтскон программа

7-тӥ куарусён 2014-тӥ ар.

9:30 – 17:00 – дышетскон программа

Семинар ортчоз татын: Ижкар к., Орджоникидзе ур., 33а юрт, УЭ КВУ «Калыкъёслэн Эшъяськон юртсы».

Телефонъёс:

8(3412) 68-83-78, 8(912) 01-00-465 – Габдуллина Анна Вадимовна, Удмурт Элькунысь йӧскалык политикая министерствоысь этнокультура азинтонъя ёзэтлэн кивалтӥсез.

8(3412) 63-10-00, 8(912) 743-97-53 – Федорова Татьяна Петровна, «Калыкъёслэн Эшъяськон юртсы» ужъюртлэн кивалтӥсезлэн воштӥсез.

8(3412) 63-10-22, 8(922) 685-82-13 – Кожевникова Юлия Сергеевна, Калыкъёслэн Эшъяськон юртысьтызы методист.