Минрегионын люкаськиз кенеш, кудаз эскеризы йöскалык кусыпъёсты чаклан понна нимысьтыз сöзнэт кылдытонэз, ченгешон-керотонъёсты азьпаласен тодманэз но соосты буйгатонэз.

Кенешез нуиз Россия Федерациысь улосвылъёсты азинтонъя министр И.Н.Слюняев. Татчы пыриськизы: Россия Федерациысь Президентлэн кунпуш политикая кивалтонниезлэн кивалтӥсезлэн воштӥсез М.В. Белоусов, Россия Федерациысь Президентлэн кунпуш политикая кивалтонниысьтыз департаментэзлэн кивалтӥсез М.А. Васильев, Россия Федерациысь улосвылъёсты азинтонъя министрлэн воштӥсез – статс-секретарез С.В. Иванова, Минрегионысь йöскалык кусып удысысь кун политикая департаментлэн директорез А.В. Журавский, Россиысь калыкъёслэн ассамблеязылэн кивалтӥсез С.К. Смирнова, тодосчиос но Воронеж улослэн Кивалтэтэз.

Тодмостэм удысын туннэ нуналлы лэсьтэм ужъёс сярысь ивортӥз Александр Журавский. Со пусйиз сöзнэт 2 куронъёсты быдэстыны кулэ шуыса: одӥг ласянь калыкъёс куспын кылдэм ченгешон-керетонэз вакчи дыр куспын буйгатон, зӥбломытон; мукет ласянь – йöскалык кусыпъёсты кöня ке дыр ӵоже эскерон, йылпумъянъёс лэсьтон.

М.В. Белоусов оскытӥз сöзнэтлы ужаны луонлык сётон понна тужгес но кулэ луись но валтӥсь эскеронъёс бордын уж матысь дыре мытэмын луоз шуыса.

2014-тӥ арын Россия Федерациысь 7 улосъёс сӧзнэтэз улонэ пыӵатон бордын ужаны кутскозы. Быръем улосъёс пöлысь одӥгез – Воронеж улос. Та улосвылын лэсьтэм ужъёссы но планъёссы сярысь вераз А.П. Марков, Воронеж улосысь Губернатор но Кивалтэт Аппаратлэн кивалтӥсезлэн воштӥсез. Сöзнэтэз улонэ пыӵатон понна нимысьтыз коньдон висъямын öвöл на. Соин ик туннэ нуналэ йöскалык кусыпъёсты эскерон уже кыскемын та дыре ужась ёзэтъёс но ужъюртъёс. Соос пöлын: Воронеж улосысь Кивалтэт бордысь Эскеронъя центр, муниципал кылдытэтъёсысь огъя дежурно-диспетчер службаос, колл-центр.

А.П. Марковлэн верамезъя, улосын йöскалык кусыпъёсты чаклан уж быдэстӥське 3 режимын: 1. ӝог юрттэт сётон – калыкъёс куспын кенжем ченгешон-керетонэз вакчи дыр куспын шараян но буйгатон; 2. Эскерон – йöскалык кусыпъёсты кöня ке дыр ӵоже эскерон, ченгешон-керетон поттыны быгатӥсь мугъёсты шараян но соосты выжомытон; 3. Ивор вöлмытон политика – йöскалык удысын огъя ивортодэт политика нуон.

Кенеше люкаськемъёс тодмостӥзы та бадӟым но кулэлыко ужез котькуд улосын улонэ пыӵатон вылысь эрикрадо акт кутонлэсь кулэлыксэ. Та муген ик И.Слюняев кенешчиослы удысъёс куспын тупан кылъёс, та удысын ужано öнерчиослы инструкциос дасяны косӥз. Азьпалан Минрегион öнерчиослы нимысьтыз дышетон радъялоз. И. Слюняевлэн косэмезъя Минрегион матысь дыре йöскалык кусыпъёсты чаклан, ченгешон-керетонъёсты азьпаласен тодман но соосты буйгатон сöзнэтэз улонэ пыӵатон вылысь «дорожной карта» лэсьтоз.