Тау кариськом вань дышетӥсьёслы вылӥ профессинализмен ужамдылы, ноку быронтэм чидамдылы но валаны быгатэмдылы. Тӥ одӥг поколение гинэ уд будэтӥське!

Нимысьтыз ӟечкыламмы потэ Кузейбай Герд нимо гимназиысь Артём Равильевич Малининэз, историяя но обществознания дышетӥсез, кудӥз Удмурт Элькунлэсь быдэс Россияысь «Учитель года России – 2022» вожвылъяськонын данзэ утиз. Конкурслэн йылпумъянъёсызъя Артём Равильевич Россияысь 15 тужгес но устогес дышетӥсьёс пӧлы пыриз. Выль вормонъёс, Артём Равильевич!

Гажано дышетӥсьёс, вань тыршонъёсты пайдаё мед луозы, дышетонды котьку но шумпотон мед ваёз.
Праздникен тӥледыз, Дышетӥсьлэн нуналэныз!