8-тӥ толсуре Калыкъёслэн Эшъяськон юртазы «Региональная и этнокультурная составляющая в содержании деятельности образовательных организаций» научно-практической конференци радъяськоз.

Ужрадэ школаосысь дышетӥсьёс, ватсаса тодон-валан ужъюртъёсысь ӧнерчиос, дышетон ужъюртъёсысь музейъёсын ужасьёс, тодосчиос, мерлыко огазеяськонъёслэн ёзчиоссы, шаертодосчиос пыриськозы.

Конференциын таӵе секциослэн ужзы чакламын:

Нылпи садын но покчи классъёсын дышетонын этнокультурной компонентлэн интыез;

Шор но бадӟым классъёслэн дышетон предметъёсазы этнокультурной компонентлэн интыез;

Ватсаса тодон-валан сётӥсь ужъюртъёслэн дышетон программаосазы но ужрадъёсазы этнокультурной компонентлэн интыез;

Дышетон ужъюртъёслэн но йӧскалык лулчеберетъя мерлыко огазеяськонъёслэн ӵош ужан удысазы пумиськись шуг-секытъёс но азинлыкъёс.

Ужрад кутскоз 10.00. часэ.

Конференциез радъясьёс: Удмурт Элькунысь дышетонъя но наукая но йӧскалык политикая министерствоос, Дышетонэз азинтонъя институт, Историяя, кылъя но литературая Удмурт институт, Калыкъёслэн Эшъяськон юртсы.