26-27-тӥ пӧсьтолэзе Шаркан ёросын егит ужасьёслэн «Юр-яр» турист слётсы радъяськоз. Ужрад ортче «Быги – культурная столица финно-угорского мира-2014» калыккуспо программа радын. Валтӥсь мугез – егиъёслы выль шутэтскон сямъёсты пыӵатыны, удмурт кыллэсь кутӥськемзэ паськытатыны.

Удмурт егитъёслэн «Шунды» мерлыко огазеяськонзы кылем арын нырысьсэ таӵе ужрад ортчытӥз Эгра ёросын Сеп гуртын. Соку Алнаш, Дэри, Якшур-Бӧдья, Сьӧлта, Глаз, Эгра ёросъёсысь егитъёс возьматӥзы асьсэлэсь шаплыксэс, чидась луэмзэс, йӧскалык сиён пӧрамзэс, шулдыръяськыны быгатэмзэс.

Ужрадэз ортчытӥсьёс оско туэ но слёт умой ортчоз но пайдалыко луоз шуыса. Кык нунал ӵоже командаос возьматозы туристлы кулэ луись тодон-валанзэс, ӝоглыксэс. Соосты витё марш-бросок, сиён пӧзьтонъя, турист кырӟанъя вожвылъяськонъёс, «Ми татын ӧй вал» экологи акци, пӧртэм пумо шудонъёс но дискотека.

Слётэз радъясьёс малпало туэ бускель улосъёсысь но командаос вуозы шуыса.

Ужрадэз ортчыто: «Шаркан ёрос» муниципал кылдытэт, «Шунды» мерлыко огазеяськон, Удмурт Элькунысь йӧскалык политикая министерство, Удмурт Элькунысь егитъёслэн ужъёссыя министерство, Калыкъёслэн эшъяськон юртсы.