22-тӥ оштолэзьысен 5-тӥ куартолэзёзь 2024-тӥ аре «Культура для школьников» лулчеберетъя но дышетонъя ӵектос улсын «Егит устолыктодосчи» («Юный искусствовед») Россиякуспо акция ортчоз. Со Россиысь дышетскисьёслэсь кылдытос быгатонлыкъёссэс азинтонлы но услолыкез вӧлмытонлы сӥземын. Акция «Юный Искусствовед» журнал юрттэмен радъяськоз.

Пиналъёс быгатозы куинь пумо номинациын вожвылъяськыны – суредаськыны, мадёсъёс гожъяны, ӝог валанлы сӥзем ужъёсты сэрттыны-пертчыны, литература удысын быгатонлыкъёсты возьматыны. «Суредъёсын верос» («Рассказ в картинках»), «Йырвизьтӥян» («Головоломка»), «Устолыктодосчи-гожъяськись» («Искусствовед-писатель») номинациос Россиысь одӥгеныз валтӥсь музеен герӟаськемын – А.С. Пушкин нимо изобразительной искусствоосъя кун музеен (Пушкинской музей).

«Суредъёсын верос» («Рассказ в картинках»). А.С. Пушкин нимо изобразительной искусствоосъя кун музейын Костикен но Пушкинэн кыӵе ке луэм учырзы сярысь 5 суредэн пичи верос малпано. «Юный Искусствовед» журналлэн геройёсыныз вотэсбамын тодматскыны луэ.

«Йырвизьтӥян» («Головоломка»). Ребус, йыртӥян яке шарада кылдытоно, кудӥз озьы ик А.С. Пушкин нимо изобразительной искусствоосъя кун музеен но солэн ужъёсыныз герӟаськемын луоз. Лабиринт сыӵе луыны быгатэ – суредъёсты ӵошатон, скванворд яке мукет йырвизез тӥянлы ужъёс.

«Устолыктодосчи-гожъяськись» («Искусствовед-писатель»). А.С. Пушкин нимо изобразительной искусствоосъя кун музейысь яке солэн филиалъёсысьтыз одӥг кылдытос быръёно но вакчи эссе гожтоно, кудӥз юрттоз мукет пиналъёслы та уж вылэ саклыксэс висъяны но соин тунсыкъяськыны. Музее очно амалэн ветлыны луонлык ӧвӧл ке, яра музеез виртуал амалэн восэсбамъя ортчыны.

Акция йылпумъяськем бере жюри 30 вормисьёсты быръёз, соослэн ужъёссы Культура для школьников.рф. порталын печатламын луозы, нош куинез вормисьёс (быдэн котькуд номинациын) ватсам кузьым басьтозы на – «Юный Искусствовед» журналын поттон.

Егитъёсты огазеян, асьме кунмылэсь узыр лулчеберетсэ эскерон, таланто нылпиослы юрттэт сётон – «Культура для школьников» лулчеберетъя но дышетонъя ӵектослэн валтӥсь ужпумъёсыз. Проектэз Россиысь лулчеберетъя но калыкез дышетонъя министерствоос улонэ вӧлмыто, озьы ик РОСКУЛЬТПРОЕКТ кивалтэт но Россиысь лулчеберетъя фонд.