29-тӥ инвожоысен 2-тӥ пӧсьтолэзозь Сарапул ёросысь Нечкино черкогуртын «Высокий берег» (0+) ӟуч лулчеберетъя фестиваль ортчоз.

Ог 3000 пыриськисьёс, фольклор коллективъёс но киужъёсъя усточиос ӟуч лулчеберетэз утёнъя но азинтонъя площадкае люкаськизы ини.

Туэ фестиваль пряничной картинаосын герӟаськемын. Ужрадэ Удмуртиысь, Башкириысь, Пермь, Киров, Оренбург улосвылъёсысь, Казаньысь, Москваысь, Йошкар-Олаысь но Подольскысь ог 50 фольклор коллективъёс вуизы. 20 калык киужъёсъя усточиос вузкарон-адӟытонэ пыриськозы, мастер-классъёсын тодматозы.

Куинь нунал ӵоже фестиваль улсын этнографической экспедициос, калык шудонъёс, егитъёсын ӝыт пуконъёс, калык юмшанъёс ортчозы. Со сяна, интеррактив площадкаос но ужалозы. Соос пӧлын: «Реконструкция крестьянского быта», «Сарапульские забавы», «Театральный интерактив», «Хороводная» но мукет.

1-тӥ пӧсьтолэзе фестивальлэн валтӥсь концертэз радъяськоз. Отын зэмос усточиос асьсэды возьматозы.  Программае озьы ик пыро ӟуч сэбедъёс, Ӝужыт ярдуре тубон, такмакъёсты кырӟасьёс но эктӥсьёс вискын вожвылъяськон. Пыр-почгес тодыны луоз та ссылкая пырыса в сообществе фестиваля.