11-тӥ куартолэзе Калыкъёслэн Эшъяськон юртазы егитъёслэн «Вместе» дышетон центрзылэн кыкетӥ сессиез ужзэ мытӥз. Куноосты ӟечкылазы Удмурт Элькунысь йӧскалык политикая министр Л.Н. Буранова, Калыкъёслэн Эшъяськон юртсылэн кивалтӥсез Т.П. Боталова, «Молодёжная ассамблея единый Кавказ» мерлыко огазеяськонлэн медиа-директорез Арсен Кайгермазов, Йӧскалык ужпумъёсъя федерал агентствоысь ӧнерчи Айказ Микаелян.

Лариса Николаевна егитъёслы аслэсьтыз мылкыдзэ вераз: «Туж оскисько кунмурт шӧдонэз будэтонлы но азинтонлы сӥзем ӵектосъёс кылдытоды шуыса».

Егитъёс тодматӥзы ини сьӧразы ваем ӵектосъёсынызы. Одӥгъёсыз сӥземым выжы калыкъёслэсь лулчеберетсэс утёнлы но вӧлмытонлы, мукетъёсыз Россиын улӥсь калыкъёсты огазеяны дырто. Проектъёслэн пӧртэмлыксы трос, но соосты герӟась нюжа но вань. Ваньзы соос кылдытэмын егитъёсын, кудъёсыз пумтэм ярато асьсэлэсь вордӥськем шаерзэс но калыксэс. Котькудӥзлэн валтӥсь меретэз – трос йӧслыко кунамы улӥсь калыкъёслэсь кусыпъёссэс юнматон.