29-30-тӥ инвожое удмурт егитъёслэн «Шунды» мерлыко огазеяськонзы Шаркан ёросын, Тол Бабайлэн юртаз, егитъёслэн быдэ вуэмзылы сӥзем «ЭРУ» улосвылкуспо шулдыръяськон радъя.

Ужрадлэн валтӥсь меретэз – калыклэсь вашкала сям-йылолъёссэ туала егитъёслэн улоназы пыӵатон.

Ужрадэ элькунысьтымы яке бускель улосъёсысь 14-18 аресъем удмурт егитъёс пыриськыны быгато. Командаын 8 адями луыны кулэ (4 пиос но 4 нылъёс). Команда бордаз «висись» эшъёссэ кутыны быгатэ.

Командаос ӵошатскозы ас сярысьтызы тодматоныны, удмурт калык выжыкылъёсъя дасям квест-шудонын но дасяса ваем эктон-кырӟанъёсын.

Шулдыръяськон улсын ик егит паръёс (нылаш но пияш) куспын «Кык дыдыкъёс» вожвылъяськон но радъяськоз. Вожвылъяськонэн тодматскыны луоз шулдыръяськонлэн Валатэтаз (Положенияз).

Ужрадлэн орточон дырыз но интыез: 29-тӥ инвожо – Тол Бабайлэн юртэз; 30-тӥ инвожо – Шаркан ёросысь Петуньки гурт.

Праздниклэн программаез: 29-тӥ инвожо, Тол Бабайлэн юртэз, Шаркан черкогурт

13.00 — 13.30 – шулдыръяськонэз усьтон

13.30 — 14.15 – командаосын тодматскон

14.30 — 16.00 – квест — шудон

16.00 – 16.30 – чай юон

16.30 — 17.30 – командаосын дасям концерт

17.30 – 18.00 – холи буёлъёсын шудон-пазяськон

18.00 – 19.30 – «Кык дыдыкъёс» вожвылъяськон

19.30 — 21.00 – нуналлы йылпумъян лэсьтон

21.00 — 23.00 – позыръяськон

23.00 – Петуньки гуртэ кошкон

30-тӥ инвожо, Шаркан ёрос, Петуньки гурт.

10.00 — 10.30 – командаослэн кивалтӥсьёссылы котырес ӝӧк, мастер-класс

10.30 -11.00 – эстафета «Гольык пыд бызьылон»

11.30 – 12.00 – куно келян.

Ватсаса юалляськоно:

— 8 (34136) 3 21 37, 8 904 275 59 48 – Рудницкая Елена Ивановна – «Шаркан ёрос» муниципал кылдытэтлэн администрациысьтыз Лулчеберетъя, спортъя но егитъёсын ужанъя кивалтоннилэн кивалтӥсез.

— 8(34136) 3-86-00, 8 952 401 77 95 — Широбокова Ольга Юрьевна -Зар-Вишурысь лулчеберетъя юртлэн кивалтӥсез;

— 8-951-218-35-33 – Чернова Алина Владимировна, удмурт егитъёслэн «Шунды» огазеяськонзылэн тӧроез.

ВАЛАТЭТ Эру-2018