20-тӥ южтолэзе Сьӧлта ёросысь бадӟым классъёсын дышетскисьёс понна радъяськоз форум. Ужрад ортчытӥське быгатӥсь, усто, азинлыко удмурт егитъёслы асьсэды азинтыны нимысьтыз площадка кылдытон вылысь.

Выльгуртэ (Новая Монья) быдэс ёросысь 100 пала егитъёс люкаськозы. «Шунды» мерлыко огазеяськонлэн ёзчиосыз дышетскисьёслы удмурт эктонъёсъя, азьветлӥсь луонъя, ужрадъёсты нуонъя, сценарий гожтонъя мастер-классъёс возьматозы, огазеяськонлэн ӵектосъёсынызы тодматозы. Ужрадэз азинтозы «Куарагур» крезьгуро ӵектосэ пыриськем егит кырӟасьёс. Йылпумъяськоз пумиськон дискотекаен, йӧскалык шудон-эктонъёсын.