Удмурт Элькунысь йӧскалык политикая министерстволэн ужезлэн одӥгез ӧрез – экстремизмъя но терроризмъя профилактика. Соин сэрен элькунамы радъясько трос пӧртэм ужрадъёс та темалы сӥзьыса. Кылсярысь, гужем каникулъёсы элькунысь егитъёслэсь 4 группа дасям маршрутъя путешествие ортчиз. 15 аресысен 23 аресозь 100-лэсь трос пиналъёс Дэри ёросысь черкъёсы, музейёсы, исторической интыосы вуылӥзы. Егитъёс Дэри черкогуртлэн Граждан ож вакытысь историеныз тодматскизы, Люк черкогуртлэсь кылдэмзэ тодӥзы но Гольяны черкогурт сярысь тунсыко мадёс кылзӥзы. Ужрад походэ ветлӥсьёслы туж кельшиз, малы ке шуоно егитъёс пӧртэм ӧръёсъя асьсэлэсь тодон-валанзэс юнматӥзы, таланто луэмзэс возьматӥзы, трос эшъёс шедьтӥзы. Та проект Дэри черкогуртысь Николай Чудотворец святитель нимо черкен ортчытэмын, «Соработничество» гуманитарной но просветительской инициативаосъёс фондлэн юрттэмез улсын.