Лади Светӥ кырӟасьлэн «Экты» («Танцуй») кырӟанэзлы «Куара» егит огазеяськонлэсь клип кылдӥз.

Съёмкаосыз куарусёнэ йылпумъяськизы.

«Куара» огазеяськон аслаз ужаз 40 пала адямиез люказ. Ужрадэ «Айкай» кун театрысь, «Эктон корка» студиысь артистъёс но Уддяди гуртысь улӥсьёс пыриськизы.

«Экты» — со огшоры клип ӧвӧл, со эктонлы ӧтён, кудаз лулчеберетъёс огазеясько но кудаз котькуд адями удмурт кадь ас сяменыз эктыны быгатоз!

ПФКИ юрттэмен вӧлме.