Элькунамы Мадьяр лулчеберетлы сӥзем нуналъёс ортчозы

Главная страница > Ивортодэт центр > Иворъёс > Элькунамы Мадьяр лулчеберетлы сӥзем нуналъёс ортчозы

19 March 2014 Иворъёс

Элькунамы Мадьяр лулчеберетлы сӥзем нуналъёс ортчозы

18-24-тӥ южтолэзе Удмурт Элькунын Мадьяр лулчеберетлы сӥзем нуналъёс ортчозы. Таӵе бадӟым ужрадэн сэрен элькунамы Венгрилэн посольствоысьтыз делегаци вуоз. Соос пӧлын Венгрилэн Россия Федерациысь посолэз Иштван Ийдятро, лулчеберетъя Советникез но Мускоысь мадьяр лулчеберетъя центрлэн директорез Андрош Барани, солэн воштӥсез Анита Хедь, мадьяр лулчеберетъя центрлэн лулчеберетъя программаослэн кивалтӥсьсы Ольга Урасинова но «Csürrentő» ансамбль. Куноос тодматскозы элькунмылэн экономика но лулчеберет ласянь азинскеменыз. Та муген ик Венгрилэн Россия Федерациысь посолэз Иштван Ийдятро Удмурт Элькунлэн Тӧроезлэсь ужзэ быдэсъясен Александр Васильевич Соловьёвен пумиськозы.

Лыктэм куноос пумиськозы Удмурт кун университетысь студентъёсын, Кузебай Герд нимо гимназиысь дышетӥсьёсын но дышетскисьёсын, вуылозы Кузебай Герд нимо музее но Быги гуртэ.

18-тӥ южтолэзе Калыкъёслэн Эшъяськон юртазы ортчоз Удмурт Элькунын мадьяр лулчеберетлы сӥзем нуналъёсты усьтон. Ужрадэ пыриськозы кык эшлыко коллективъёс: «Эктон корка» эктонъя судия но «Csürrentő» ансамбль.

20-24-тӥ южтолэзе «Дружба» кинотеатрын «Венгер кинофестиваль» ортчоз. Мускоысь Венгер лулчеберетъя центр но Ижкарысь киноклуб нырысьсэ Ижкарын радъялозы венгер кинолы сӥзем фестиваль. Учкисьёслы шуд усёз тодмтскыны венгер кинематографлэн классикаеныз но, выль ужъёсыныз но. Фестивальлэн программаеныз тодматскыны луоз www.kinohorosho.ru но вКонтакте: https://vkontakte.ru/horosheekino вотэсбамъёсын.

«Csürrentő» ансамбльлэн прогаммаез:

18 южтолэзь

19 марта

10.00 – 12.00

Удмурт кун университетысь студентъёсын, дышетӥсьёсын, коллективъёсын пумиськон (УдГУ-лэн VI корпусэз, Дизайнъя но устолыкъёсъя институтлэн музеез)

12.45 – 13.30

К. Герд нимо йӧскалык музеен тодматскон

13.50 – 15.30

Удмурт кун университетлэн «Чипчирган» ансамбленыз пумиськон (УдГУ-лэн тодос лыдӟетъюртэз, 3-тӥ этаж, шаертодонъя ёзэтлэн лыдӟиськон бӧлетэз)

15.45 – 16.15

Калыкъёслэн Эшъяськон юртэнызы тодматскон

18.00 -18.30

Эктон ӝытлы дасяськон (Калыкъёслэн Эшъяськон юртсы).

19.00 – 21.30

Удмурт Элькунын мадьяр лулчеберетлы сӥзем нуналъёсты усьтон Эктон ӝыт. Калыкъёслэн Эшъяськон юртсы

09.00 – 10.45

Ижкарен тодматскон. Венгер солдатъёслы синпельмет доры мынон. Чеберлыко киужъёсъя но ӧнеръёсъя Удмурт Элькунысь йӧскалык центрлэн уженыз тодматскон

10.45 – 12.30

Кузебай Герд нимо гимназиен тодматскон. Дышетскисьёсын ӵош «Эктон корка Táncház» ортчытон.

15.00 – 20.00

Финн-угор дуннелэн шоркареныз – Быги гуртэн тодматскон. «Мажес нуон» но «Мукет ним сётон» сям-йылолон тодматскон. Быги черкогуртысь колективен тодмаскон

10.00

О.В. Урасиновалэн «Культурная дипломатия Венгрии и политика в отношении этнических групп в стране и за рубежом» лекциез (УдГУ-лэн II корпусэз, 21-тӥ аудитория).

20.00

«Дружба» кинотеатрын Венгер кинофестивалез усьтон

Сайтысь утчано

Элькунамы Мадьяр лулчеберетлы сӥзем нуналъёс ортчозы