18-тӥ толсуре Калыкъёслэн Эшъяськон юртазы немец лулчеберетлы сӥзем фестиваль радъяськиз. Элькунамы таӵе ужрад кык арлы одӥг пол ортче. Быдэс Удмуртиысь немецъёс, немец лулчеберетэн тунсыкъяськисьёс вуизы Ижкаре эшъёсынызы пумиськыны.

Фестивалез усьтӥз Ижкарысь 22-тӥ номеро школаын дышетскисьёслэн театральной постановказы. Пиналъёс Гримм агай-вынъёслэсь “Гензель и Гретель” выжыкылзэс туала шӧмъем карыса возьматӥзы. Азьланьтӥзы фестивалез “Juwell” коллектив. Соос тодмо мультфильмъёсысь кырӟанъёсты быдэстӥзы. Нош “Spitze” коллектив шумпоттӥз эктонъёсын. Нимысьтыз номеръёс дасяллям на Глазкарысь но Сарапулысь немец лулчеберетъя центръёслэн коллективъёссы.

«Туннэ немец кылэз но лулчеберетэз яратӥсьёс католикъёслэн валтӥсь праздниказы, рождествое, вуылӥзы кадь. Таӵе пумиськонъёс выль малпанъёсыз пуромыто, егитъёсты калыклэн лулчеберетэныз но историеныз тодмато», – шуэ «Удмурт Элькунысь немецъёслэн йӧскалык лулчеберетсыя автономизы» мерлыко огазеяськонлэн кивалтӥсез Майя Шушкова.