Лауреатъёс пӧлы пыро пӧртэм удысужъёсъя адямиос, кудъёсыз ӧнерлыко но мер ужъёсын азинлыко тыршо. Озьы ик ужась коллективъёс, Удмуртиысь усточиослэн командазы, кудъёсызлэсь ар куспын кичӧлтонъёссэс улонын быдэстыны пӧрмиз.

Озьы, кылсярысь, «Признание» премиез басьтӥз «Совет женщин-удмурток «Удмурт нылкышно кенеш» улосвыл мерлык движение, соин кивалтэ Елена Миннигараева.
Огазеяськонлы сертификат кузьмазы, кудӥз бадӟым юрттэт луоз «Дор» югдытӥсь марафонэз радъяны. Та ужрад сӥземын луоз «Совет женщин-удмурток «Удмурт нылкышно кенеш»-лы 30 ар тырмонлы но удмурт кылбурчилэн Ашальчи Окилэн 125 арес тырмонэзлы.

Пусъемын «За жизнь» нимо Православной огазеяськон, соин кивалтэ Анна Воскресенских. Огазеяськон пӧртэм ӟечлэсьтон проектъёсты огазея но ассэ утьыны быгатӥсьтэмъёслы юрттэ: нылпиослы, улон интытэм адямиослы, ёрмем семьяослы но тужгес кышномуртъёслы, кудъёсыз шуг-секыт учыре сюризы.

Аборт азьын визь-кенеш сётонъя кабинетъёслэн ужамзы сэрен 147 нылпиез утьыны луиз. Тае вунэтонтэм вылысь, Ижкарысь Казанско-Богородицкой храмын символ пуштросъем писпу лэсьтэмын, кудаз котькуд фонарик – одӥг утем нылпи.

Тодэ вайытоно, «Признание» премилэн кичӧлтӥсез луэ Удмурт Элькунлэн Тӧроез Александр Бречалов.