Л.Н. Бурановалэн ивортэмезъя, элькунамы йӧскалык кусыпъёс огсыр ченгешонъёстэк радъясько. Социологической эскеронъёслэн йылпумъянъёссыя, 2015-тӥ арын 62%-эз кунмуртъёс Удмуртиысь йӧскалык куспъёсты умоен лыдъязы. Юам адямиослэн кык куньмосэзлэн малпамзыя, элькунамы йӧскалык ченгешонъёс ӧвӧл, уз но луэ. Улосамы калыкъёс куспын эшлыко кусыпъёс возисько. Улосчиосмылэн 80%-эз адямиен кусып радъякузы, вераськыкузы солэсь йӧслыксэ лыдэ уг басьто.

Калык куыпъёсты огсыр возёнын, калыклэсь торлыклы осконзэ юнматонын, пӧртэм калыкъёслэсь тунсыкъёссэс лыдэ басьтыса ужанын бадӟым инты басьто площадкаос, кудъёсыз мерлыкысь калык институтъёслэсь ог-огенызы но кун тӧрлыкен кусыпъёссэс радъяны юртто.

2015-тӥ арны Удмурт Элькунысь Тӧро бордын йӧскалык кусыпъёсъя но инмарлы осконэн герӟаськем юанъёсъя мерлыко кенеш кылдытэмын. Элькунысьтымы мерлыко огазеяськонъёслэн азьветлӥсьёссы кенешлэн ёзчиосыз луо. Вераны кулэ на, йӧскалык кусыпъёсъя мерлыко кенешъёс Ижкарын, Воткакарын, Можгаын, Сарапулын, Алнаш, Кизнер, Кияса, Пичи Пурга, Сьолта, Сюмси, Ува, Юкаменск ёросъёсын но ужало.

Йӧскалык кусыпъёсты тыро-пудо радъяны, кулэ оръя лэзьын юрттозы Ванёс центръёс – Калыкъёслэн Эшъяськон юртъёссылэн сӧзнэтсы. Туннэ нунл понна элькунамы 7 юртъёс ужало ини. А.В. Соловъёс ужпум пуктӥз – котькуд ёросын Эшъяськон юрт усьтыны. Та юртъёс йӧскалык кусыпъёсты эскеронъя, мерлыко ӵектосъёсты быдэстонъя, адямиосты огазеянъя центр луозы.