Йӧскалык политикая министерствоын казакъёсын но кун тӧрлыклэн ёзэсъёсыныз ӵош ужан юанъёсъя пумиськон радъяськиз.

Кенешонэ йӧскалык политикая министр Эдуард Петров, Россия Федерациысь юстиция министерствоысь Удмурт Элькунъя кивалтонниысь ӧнерчи Сунцова А.Н., Удмурт но Ижкар епархиысь огмуртъёс, казак но мукет огазеяськонъёслэн атаманъёссы пыриськизы.
Будӥсь егитъёс пӧлын ас калыксэс но шаерзэс яратон мылкыдэз дышетон, огазеяськонъёслэсь уставъёссэс катрадлыкъя юнматон, ӵектосъёсты ӵош быдэсъян, казак огазеяськонъёсты регистрировать карон но мукет юанъёсты эскеризы.

Россия Федерациысь юстиция министерствоысь Удмурт Элькунъя кивалтоннилэн ивортодэтэзъя туннэ нуналэ элькунын 10 казак обществоос но 2 мерлык огазеяськонъёс ужало.