Шулдыръяськон 2 сюрлэсь уно куноосты котыраз люкалоз Удмуртиысь ёросъёсысь но каръёсысь Вӧйдырез (0+) пусйыны. Та нуналэ куноослы трос яркыт площадкаос дасямын луозы. Ужрад 2026-тӥ арлэн, кудзэ Владимир Путин Россиысь калыкъёслэн огъя луэмзылэн ареныз юнматӥз, тужгес но яркытэз луоз.

Куноослы шулдыр программа дасямын луоз: «Раздольной Масленица»-ын мунёосты адӟытон, «Ремесленной разгуляй»-ын ӧнеро мастер-классъёс, «Ӵужонбольной разгуляй» спорт нюръяськонъёс, «Снежной разгуляй»-ын гурезь эксэйез пусъён, муниципал кылдытэтъёслэн но творческой коллективъёслэн пыриськемзы. Куноослы «Эшъяськон хоровод» программа дасямын луоз, ужрад йылпумъяськоз Вӧйдыр сульдэрез ӝуатонэн. Быдэс нунал пӧртэм площадкаос ужалозы, куноос трос ческыт сиён-юон веръяны быгатозы.

«Элькун Вӧйдыр – со лулчеберетмылэсь узырлыксэ, чеберлыксэ усьтыны бадӟым луонлык. Пичи Пурга ёрослэн Администрациен валче ми тунсыко программа дасямы, ваньзылы тунсыко мед луоз шуыса: пиналъёслы но бадӟымъёслы, Удмуртиын улӥсьёслы но палэнысь куноослы. Оскисько, шулдыръяськон яркыт но ӟеч ортчоз, трос умой мылкыд кузьмалоз шуыса», – вераз УЭ-ысь йӧскалык политикая министр Эдуард Петров.

Ужрадэз радъяло УЭ-ысь Йӧскалык политикая министерство, элькунысьтымы Ӟуч лулчеберетъя огазеяськон, Калыкъёслэн Эшъяськон юртсы но Пичи Пурга ёрослэн Администрациез.