22-23 -тӥ тулыспалэ мерлыко огазеяськонъёслэн ёзчиоссы мини-футболэн шудӥзы. Футзалъя VIII элькун чемпионат Атыкай музъемез утисьёслэн нуналзылы сӥземын вал.

Туэ шудыны мылкыд кариз 14 команда. Соос пӧлысь нырысьсэ пыриськизы чечен калык лулчеберетъя «Даймохк» центрлэез, УдГу-лэн командаез, «Апсуара» абхаз диаспоралэн командаез.

Ужрадэз ортытӥсьёслэн верамзыя, футбол арысь аре тросгес командаосты люка, шудӥсьёслэн быгатонлыкъёссы шӧдскымон кужмояло.

Финалые пумиськизы бигер егитъёслэн «Иман» огазеяськонзылэн но еврей лулчеберетъя огазеяськонлэн командаоссы. Шудӥисьёс одӥг кадь зол луэмзэс возьматӥз 3:3 счет но . Пенальти но оз юртты вормисьёсты бырйыны. Вратарьёс пуктӥзы точка пумиськонын. «Иманлэн» вратарез вормисе поттӥз командазэ .

«Урарту» армян мерлыко огазеяськонлэн кивалтӥсезлы Мнацакан Аракелянлы шудон кельшиз. Солэн кылъёсызъя, ӵошатсконлэн валтӥсь мугез вормон уг луы, валтӥсь луэ ӵошатсконэ пыриськон. Кык нунал ӵоже 200 егит пиос спортэн выризы. Атыкай музъемез утисьёслэсь нуналзэс ӵошатсконын ортчытэмзы – быдӟым плюс. Шудон пӧрмиз!

Удмурт Элькунысь йӧскалык политикая министр Л.Н. Буранова ӟечкылаз командаосты вормонэн, воргонъёсты праздникен. Сӥзиз соослы тазалык, азьпалан трос вормонъёс.

Ужрадъясьёс: Удмурт Элькунысь армянъёслэн «Урарту» мерлыко огазеяськонзы Калыкъёслэн Эшъяськон юртсылэн но Удмурт Элькунысь йӧскалык политикая министерстволэн юрттэмез улсын.