26-тӥ южтолэзе «Русский дом» центр Алнаш ёросысь куноосты пумита.

Удмурт Элькунысь ӟуч лулчеберетъя огазеяськон но «Русский дом» ӟуч лулчеберетъя юрт азьланьто асьсэлэсь «В кругу друзей» ӵектоссэс, кудзэ быдэстыны кутскизы 2014-тӥ арын. «Русский дом» центре элькунмылэн пӧртэм ёросъёсысь коллективъёс ортчыто пумиськонъёс. Та дыр куспын 12 пумиськон радъямын.

2016-тӥ арын пумиськонъёсты азьланьтыны Алнаш ёрослы оскемын. Ужрадъясьёслэн верамзыя, тужгес но яркыт номеръёс возьмало калык кырӟанъя «Русский самовар» (кивалтӥсез Н.А.Уразбахтина) ансамбль. Дышем сямен, пумиськонын кибашлыослэн ужъёсынызы адӟытон радъямын луоз, озьы ик куноослэн ёросысь кылбурчиосын но суредаськисьёсын тодматскыны луонлыксы луоз. . Удмурт Элькунысь ӟуч лулчеберетъя огазеяськон та арын 6 пумиськон радъяны малпа. Алнашъёс бере Ижкаре вуозы Глаз, Вавож, Каракулино, Кез но Камбарка ёросъёс.

Ужрадъясьёс: Удмурт Элькунысь ӟуч лулчеберетъя огазеяськон, “Русский Дом” ӟуч лулчеберетъя центр, Удмурт Элькунысь йӧскалык полития министерстволэн юрттэмез улсын.