Этногафияя Бадӟым диктантэз гожтонэ пыриськизы Россиысь вань улосвылъёс. Со сяна Турциысь но Швейцариысь ӟуч школаос. Ужазы ваньзэ-ӧвӧлзэ 800 площадкаос. Очной амалэн гожтӥзы 42 сюрслэсь трос адямиос, нош интернет пыр – ог 50 сюрс.

Тужгес но трос площадкаос Удмуртиын ужазы. Соос 72 вал. Нош диктантэ пыриськисьёслэн лыдзыя Элькунмес азьпалтӥз Оренбург улос. “Туннэ ортчем акци сярысь ӟеч дунъет лыктэ котькуд улосвылысь. Со ужрадлэсь кулэлыксэ возьматэ”, – пусйиз министр. Соин ӵош шугъяськытэ мукетыз – 100 балл пӧлысь тросэз жынызэ гинэ люканы быгатӥзы.

«Со мон понна со туж ӧжыт результат, – пусйиз Лариса Буранова. – Соин ик Кунысь дышетонъя министерство учкыны кулэ, кытчы пыртоно этнографи предметэз, кызьы та темая ужаны нылпиосын, егитъёсын».

Диктантлэн йылпумъянъёсыз возьматӥзы – тужгес секыт юанъёс йӧтӥзы кылъёсъя, нимаз выжы калыкъёслы гинэ тупась уж удысъёссыя но йылолъёссыя. Россиын улисьёс ӟеч тодо ас улоссэс. Но уг тунсыкъясько мукетъёсыныз.

“Бадӟым этнодиктантлэн йылпумъянъёсыз Россиысь дышетонъя министерствое келямын луозы, – шуиз Лариса Буранова. – Министерствое озьы ик кошкозы огъям ӵектонъёс но. Соос пӧлын – школаосын этнографияя кружокъёс, факультативъёс кылдытон, ВУЗ-ёсын – нимысьтыз курсъёсты пыртон”.

Туспуктэмез: www.myudm.ru