26-тӥ куарусёнысен 2-тӥ коньывуонозь Йӧскалык ужпумъёсъя федерал агентство Калуга улосысь «Этномир» этнографической парк-музейын егитъёслы калыкъёслэн лулчеберетсылы сӥзем «Диалог культур» лагерь ортчытэ. Ужрад «Россиын улӥсь калыкъёслэсь кусыпъёссэс юнматон но лулчеберетсэс азинтон (2014-2020-тӥ аръёс)» нимысьтыз ужась федерал кун программаез быдэстон улсын радъяське.

Лагерьлэн программаез егитъёслэсь калык кусыпъёсты радъянлы сӥзем кичӧлтонъёссэс быдэстонлы, калык лулчеберетэз азинтонлы, шаплы но быгатӥсь егитъёсты шаермылы кулэ луись ӵектосъёсты быдэстонэ кысконлы сӥземын.

Лагере пыриськыны быгато калык лулчеберетлы сӥзем ӵектосъёсты быдэсъясьёс, студентъёс, йӧскалык кусыпъёс удысын ужась ӧнерчиос, мерлыко огазеяськонъёслэн ёзчиоссы. Арлыдъя куронъёс: 22-35 аресъем егитъёс.

Дышетон мыноз 4 ӧръя: ивортодэт, дышетонлы сӥзем ӵектос, этнособытие, этнотуризм.

Сизьым нунал ӵоже егитъёс йӧскалык кусыпъёслы но лулчеберетъёслы сӥзем ӵектосъёс бордын ужаны, соосты улонэ пыӵатыны дышетскозы. Тодон-валанзэс муромытозы калык кусыпъёсты радъянлы, фандрайзинглы, адямиосты ӵектосэн тодматонлы сӥзем мастер-классъёс.

Лагере пыриськон понна info@ethnoworld.ru почтае 10-тӥ куарусёнозь вазиськон келяно.

Вазиськонлэсь кабзэ басьтыны луэ та чӧлскетъя.