Йӧскалык ужъёсъя федерал агенство М.В. Ломоносов нимо МГУ-ен валче 16-18-тӥ гудырикошконэ Саратовын «Реализация государственной национальной политики в субъектах Российской Федерации» ӵектос улсын дышетон семинар радъялозы.

Ужрадэ йӧскалык политика, кун но муниципал служба удысысь ӧнерчиос, НКО-ысь огмуртъёс пыриськозы.

Университетысь валтӥсь профессоръёс, тодосчиос но экспертъёс-практикъёс пыриськисьёслы нимысьтыз лекциос лыдӟозы, практической занятиос но мастер-классъёс ортчытозы. Ваньмыз со калыкъёс, конфессиос вискысь кусыпъёсын, правоприменениен, конфликтологиен, социологиен, интеграционной но этноконфессиональной политикаен герӟаськемын луоз.

Семинарлэн пумаз МГУ пыриськисьёсты сертификатэн пусъёз, соос дышетон программаез ортчизы шуыса.

Таӵе ужрад Россиысь ог 15 улосвылъёсын ортчиз но кун тӧрлык ёзэсъёслэсь вылӥ дунъет басьтӥз.