20-21-тӥ коньывуонэ Ижкарын «Финн-угор транзинт: семья сям-йылолъёс» нимо устолыклы но калык быгатонлыкъёслы сӥзем калыккуспо фестиваль радъяськоз.

Фестивальлэн валтӥсь мугъёсыз – урал кыл семьяе пырись калыкъёслэсь лулчеберетсэс утён, семья сям-йылолъёссэс улӟытон, калыкъёслы ог огенызы тодматскыны но эшлыко куып возьыны юрттон.

Фестиваль 2008-тӥ арын вордӥськиз, 2 арлы одӥг пол радъяське. Котькуд арын пӧртэм темалы сӥземын луэ. Туэ валтӥсь тема – семья сям-йылолъёс. Соин ик татчы пырисько Россилэн улосъёсысьтыз семья коллективъёс, кудъёсыз тодматозы финн-угор но самоди калыкъёслэн кырӟан-эктонъёсынызы, крезьгуро инструментъёсынызы.

21-тӥ коньывуон толэзе 15.00 часэ Нылпиослэн (быдэ вуымтэослэн) быгатонлыкъёссыя дворецын гала-концерт радъяськоз. Татчы пыриськозы: «Пельгаос» и «Шундыгур» удмурт ансамбльёс, «Бесерман гуръёс» бесерман ансамбль, «Вастома» мордва ансамбль, «Акарт» пор ансамбль.

Та нуналэ куноос понна калык быгатонлыкъёсъя мастер-классъёс, финн-угор мерлыко огазеяськонъёслэн ёзчиосынызы пумиськонъёс радъямын луозы, кибышлыослэн ужъёсынызы вузкарон-адӟытон ужалоз.

21-тӥ коньывуонэ 9.30 часэ Калыкъёслэн Эшъяськон юртазы фестивале пырисьёслэн пресс-конференцизы ортчоз.

Йылпумъяськоз финн-угор транзит 29-тӥ коньывуонэ Башкириын.