20-тӥ инвожое 90 арессэ пусъе Глафира Николаевна Никольская, педагогика тодосъя доктор, профессор, Удмуртиысь но Россиысь дышетон удысысь сӥё-дано ужась, шор ёзо школаын удмурт кыллы но йӧскалык школаосын ӟуч кыллы дышетон учебникъёслэн но пособиослэн авторзы.

Гажано Глафира Николаевна, сюлмысьтымы ӟечкыласьком Тӥледыз Вордӥськем нуналэныды!

Тӥляд вань улон-ужан сюресты герӟаськемын удмурт шаерен, солэн сюлмаськонъёсыныз, туннэ но ӵуказе нуналэныз. Вань тодон-валандэс, быгатонлыктэс, быдэсак улон кужымдэс но сюлэм шуныттэс сётыса, Тӥ тыршиськоды удмурт калыклэсь кылзэ утён бордын, тодон-валанзэ, лулчеберетсэ азинтон, узырмытон но вылӥе ӝутон удысын.

Данъяськымон, адӟем карымон ужды синйылтэмын, трос вылӥ наградаосын пусъемын. Солэсь но вылӥ дан – каклыклэн гажамез но оскемез.

Сӥзиськом Тӥледлы, Глафира Николаевна, юн тазалык, бадӟым шуд, выль вормонъёс. Котьку мед кузёяськоз сюлмады ӟеч мылкыд но паймымон сайкыт визь!