26-тӥ оштолэзе Глазкарысь В.Г. Короленко нимо педагогикая кун институтэ « Йӧскалык политика удысын мерлыко ӵектосъёсты быдэстон» нимо семинаре бесерман егитъёс люкаськизы. Та нуналэ люкаськемъёс вераськизы-кенешизы бесерман лулчеберетэз утён но азинтон, пиналъёсты но егитъёсты бесерман калыклэн лулчеберетэныз тунсыкъяськытон сярысь. «Лифт» кар штабысь ӵектосъёс бордын ужась ӧнерчиос – Анастасия Караваева но Елена Сутягина – мерлыко ӵектосъёс гожтыны но соосты быдэстыны валэктӥзы.

Семинаре пыриськисьёс дэмлазы бесерман кунокуа лэсьтыны, покчиослы “Бесерман азбука” ӝӧквыл шудон кылдытыны, «Юнда-Базар» ӵектосэз бесерман шӧмогес карыса паськытатыны, бесерман калык шулдыръяськонъёс ортчытон улсын этноквестъёс радъяны.

Радъясьёс: Удмурт Элькунысь йӧскалык политикая министерство, Калыкъёслэн Эшъяськон юртсы, Глазкарысь В.Г. Короленко нимо педагогикая кун институт.