«Удмуртия – вместе!» интывыл огинъёслэн форумзы – тунсыко площадка, кудаз ог-огенызы герӟасько, верасько, тодон-валан окто, ужпумъёсты сэртт-пертчо тӧрлык, мерлык но лулчеберет удысъёс. Туннэ куинетӥ форум ортчиз, таяз Удмуртилэн уйпал шоркараз – Глазкарын, люказ 150 адями 7 муниципал кылдытэтъёсысь.

Форуме пыриськисьёсты Удмуртиысь Тӧролэн но Кивалтэтлэн Администрацизылэн кивалтӥсезлэн воштӥсез Даниил Ходырев ӟечкылаз.

Собере «Новые вызовы – новые возможности. Сила сообществ» экспертной сессия ортчиз.

Йӧскалык политикая министр Эдуард Петров аслаз докладаз пусйиз, Глазкарын но элькунлэн «уйпал люкетызлэн» мукет муниципал кылдытэтъёсын мыло-кыдо тыршо «Удмурт Кенеш», Ӟуч лулчеберетъя огазеяськонъёслэн ёзчиосыз, бигер, бесерман, казак, армян но егитъёслэн йӧскалык-лулчеберетъя огазеяськонъёслэн огмуртъёссы.

«Арлы быдэ «уйпал люкетызлэн» йӧскалык-лулчеберетъя огазеяськонъёсыз федерал грант вожвылъяськонъёсы пырисько. Трос патриотизм мылкыдэн пачылмем ӵектосъёсты улонэ вӧлмыто: «Неизвестные герои» адӟытон, «Донды вакыт», «ЭтноСемьяФест» йӧскалык фестиваль, Губии Тур этнокультурая центр но трос мукет».

Министр озьы ик пусйиз на, Глакарын кылем арын быдӟым ужрадъёс ортчытэмын шуыса. Нырысетӥяз элькун Сабантуй радъямын, 2025-тӥ арын ортычоно ужрадъёсын дырпус адӟытэмын.

Ужрадын вераськизы на УЭ-ысь Мерлыко палаталэн кивалтӥсез Юлия Германовна Шахтина но ёзчиез Ольга Витальевна Бускина, Глазкарлэн тӧроез Сергей Николаевич Коновалов но солэн нырысетӥ воштӥсез Ольга Владимировна Станкевич, Глазкарысь В.Г. Короленко нимо инженеръёсты но дышетӥсьёсты дасянъя кун университетлэн ректорез Янина Александровна Чиговская-Назарова.

Эксперт сессия йылпумъяськем бере пыриськисьёс площадкаосын ужзэс азьланьтӥзы.

Площадкаос пӧлын:

• «Инструменты развития общественных советов при органах муниципальной власти» котырес ӝӧк.
• «Практики этноволонтерства» форсайт-сессия.
• «Герои территорий: мастерская совершенствования» инты.
• «Ресурсное сопровождение этнокультурной инфраструктуры на муниципальном и межмуниципальном уровнях» ужан сессия.
• «Поиск ресурсов для местных инициатив» мер ӵектосъёсъя лаборатория.
• «Родина – значит вместе!» шудон.
• «ПРОдвижение местных сообществ и практик» медия мастерской.

Вуоноез форум Сарапул карын 23-тӥ оштолэзе ортчоз.

Тодэ вайытомы, форумъёсты радъяло Калыкъёслэн Эшъяськон юртлэн луонлыкъёсъя центръёсыз но Удмуртилэн Мерлык палатаез УЭ-ысь йӧскалык политика министерстволэн но Йӧскалык ужъёсъя федерал агентстволэн юрттэменызы.

Программаен тодматскыны огинын: vk.com/urvmeste. Пыриськелэ!