Россилэн Азьмуртэз Владимир Путин Удмуртилэн Тӧроеныз Александр Бречаловен пумиськиз. Пумиськоназы соос дано крезьгурчилэн 185 ар тырмонэзлы сӥзем элькун ӵектосъёс сярысь вераськизы: нылпи но егит симфонической оркестр, «На Родине П.И. Чайковского» устолыкъёсъя фестиваль, Калыкъёслэн Эшъяськон юртсылэн «Голос моей Родины» (0+) проект.

Отын элькынысь пӧртэм каръёсысьтыз но ёросъёсысьтыз пиналъёс пыриськизы. Заявкаосты южтолэзе кутыны кутскизы, нош 12-тӥ инвожое, Россилэн Нуналаз но Ижкарлэн котырес лыдпус тырмоназ, С.М. Киров нимо паркын гала-концерт радъямын вал. Поттэмын ини 10 туала патриотизм мылкыдо нылпиосын быдэстэм кырӟанъёс. Вань мылкыд карисьёс быгато кылзыны соосты ӵектослэн огиназ. Таӵе проектъёс патриотизм мылкыдэз будэто, Россиысь калыкъёслэсь лулчеберет узырлыксэз утё, со «Семья» йӧскалык ӵектослэн азьмугъёсызлы тупа.

Табере финалэ потӥсьёсты Удмуртиятӥ творческой этнотур возьма. 31-тӥ пӧсьтолэзе Дэриын «Кызьпу арама» паркын нырысетӥ концерт ортчоз. Собере 20-тӥ гудырикошконэ – «Кызьпу арама» лагерьын.

Ӵектос Калыкъёслэн Эшъяськон юртэнызы улонэ вӧлме Удмуртиысь Кивалтэт, Йӧскалык политикая министерство юрттэмэн Росмолодежь.Гранты фондысь коньдонэн.