«ГОРДОСТЬ НАЦИИ – 2023» IV Россиякуспо мерлык премия, кудӥз Россиысь калыкъёслэсь огъя луэмзэс юнматон но этнокультурной азинсконлы бадӟым пайда ваем понна сётӥське.

Коньдонкузьымез радъянлэн валтӥсь ужпумъёсыз:

– йӧскалык кусыпъёс удысын ужась кунмурт мерлык институтъёслы юнгес саклык висъян;

– асмылкыдчи движениез азинтон;

– Россиысь калыкъёслэсь огъя луонзэс но кусыпъёссэс юнматонлы, этнокультурной аспӧртэмлыкез утёнлы но азинтонлы сӥзем ужрадъёсы пӧртэм калыкъёс ас мылкыдзыя мед пыриськозы шуыса мотивировать карон.

Кинъёс пыриськыны быгато (целевой аудитория)

Премия басьтонъя вожвылъяськонэ пыриськыны быгато мерлык но коммерциен герӟаськымтэ огазеяськонъёсысь огмуртъёс, кудъёсыз йӧскалык политика удысысь ӵектосъёсты улонэ пыӵато; асмылкыдчи движениосысь огмуртъёс; анай кылъёсты нуись дышетӥсьёс, кылъя азьветлӥсьёс, анай кылэз утёнъя но азинтонъя ӵектосъёслэн авторъёссы; журналистъёс но блогеръёс; калык творчествоя усточиос но этнобизнесэз радъясьёс (этнотуризм, этномода но мукет), творческой коллективъёслэн, огазеяськонъёслэн кивалтӥсьёссы но пыриськисьёссы.

Номинациос:

1. «Граждан огазеяськон но калыкъёслэн тупаса улонзы удысъёсын яркыт азинсконъёс понна»
2. «Россиысь калыкъёслэсь лулчеберетсэс утёнъя но азинтонъя бадӟым уж нуэмез понна»
3. «Йӧскалык кусыпъёсъя удысысь тужгес но ӟеч практикаос понна»
4. «Анай кылъёсты утёнъя но азинтонъя бадӟым уж нуэмез понна»
5. «Кун йӧскалык политикаысь ивортодэт удысын бадӟым уж нуэмез понна»
6. «Йӧскалык-лулчеберет огазеяськонъёсын азьветлӥсь луэм понна»
7. «Визьмоослэн выжызы»

ГОРДОСТЬ НАЦИИ – 2023» IV Россиякуспо премия сярысь положение