Удмуртиын Гримм агай-вынъёслэн но Шарль Перролэн выжыкылъёсынызы удмурт кылын диск поттӥзы. Та сярысь пресс-конференциынн ивортӥз Удмурт Элькунысь йӧскалык политикая министр Лариса Буранова.

Та дырлы удмурт кылын 7 диск поттэмын ини. Таяз радэ диске люкамын авторъёсын кылдытэм выжыкылъёс. Произведениосты лыдӟо актёръёс, бичетэз гожтон понна нимысьтыз крезьгур композициос гожтэмын вал. Со сяна, вераны кулэ, Удмуртиын удмурт кылын нылпи кырӟанъёсын диск но поттэмын ини. Вань та материалъёс матысь дыре элькунысьтымы лыдӟетъюртъёсы вуозы.