23-тӥ пӧсьтолэзе Калыкъёслэн Эшъяськон юртазы Удмуртиысь «Грузинское землячество» мерлыко огазеяськонлэн ужъёсыныз тодматскон ӝыт ортчиз.

2010-тӥ арын ортчем лыдъян-чотанъя, элькунамы 500-лэсь ятыр грузинъёс уло. Мерлыко огазеяськонзы кылдытэмын 2011-тӥ арын. Валтӥсь мугез – грузин калыклэсь сям-йылолъёссэ, кылзэ утён но азинтон. Кивалтэ соин Давид Акакиевич Барамидзе. Огазеяськонлэн ёзчиосыз веразы огъя ортчытэм ужрадъёссы сярысь, вуоно планъёсынызы тодматӥзы. Азьветлӥсьёс азьланяз малпало на Удмурт Элькун но Грузия куспын лулчеберет, дышетон, тодос но техника удысынъёсын вачеужанэз азинтыны.

Ватсаса ивортодэт басьтыны луэ таӵе телефонъя: (3412) 68-77-98 – Васева В.В., министерствоысь план лэсьтонъя но этнокультура азинтонъя ёзэтлэн кивалтӥсез.