3-тӥ толсуре 17.30 часэ Калыкъёслэн Эшъяськон юртазы «Ибыр весь» адӟытон усьтӥськоз.

Ибыр весь – утись весь шуэмез возьматэ. «Ибыр-весь» – пӧсь эмаль техникаез уже кутыса чеберъяськон арбериос лэсьтонъя мастерской. Мастерскоез 2005-тӥ арын Василий Петрович Степанов, Удмурт кун университетысь доцент, но эмален суредась Ирина Валентиновна Кондратьева усьтӥзы. Котькуд арберизэс калык пусъёсты кутыса авторъёс нимысьтз пушторсэн тырмыто: шунды – кужымлэн, удалтӥсь музъемлэн, сьӧд кужымлэсь утиськонлэн пусэз; вал – семья шудбурлэн пусэз; ӵӧж – дун-чылкыт, улон сётӥсь тылобурдо.

Мастерскойын лэсьтэм чеберъяськон арбериос тодмо луо дуннелэн пӧртэм сэрегъёсаз. Автоъёс асьсэлэн ужъёсынызы Саранскын, Казаньын, Санкт-Петербургын, Пермын, Ханты-Мансийскын ортчем адӟытонъёсы пыриськылӥзы. Ужъёссэс адӟыса валан кылдэ – чеберлыкез шӧдон но валан, калык сямъёсты инъетэ кутыса туала техникая лэсьтэм ужъёс верантэм чебересь, кужмоесь пормемын.