Г.А. Кулакова нимо спорт комплексын Удмурт Элькунысь III Конфессиос куспын спартакиадалэн сӥё-дано усьтонэз ортчиз. Вылӥ интыос басьтон понна, ӟырдыт ӵошатскизы 435 куасэн бызьылыны яратӥсьёс.
Соос пӧлын: Максим Шумихин, УЭ-ысь Тӧролэн но Кивалтэтлэн Администрациезлэн кивалтӥсез, Эдуард Петров, УЭ-ысь йӧскалык политикая министр, озьы ик Ижкар, Сарапул кар но Глазкар епрахиысь, Удмуртиысь мусульманъёслэн улосвылъя духовной кивалтонниысьтыз, Ижкарысь еврей общинаысь, Христос Спаситель Лютеранско-Евангелической черкысь ёзчиос. Спортсменъёсты но лыктэм куноослы ӟечкылан кылъёсын вазиськизы УЭ-ысь мугор лулчеберетъя но спортъя министр Денис Парахин, озьы ик олимпи шудонъёсъя чемпионъёс Галина Кулакова но Тамара Тихонова.
«Котькуд ар спартакиадае пыриськисьёслэн лыдзы будэ. Выльысь но выльысь валасько: таӵе ӵошатсконъёс адямиосты огазеяло, элькунын тупаса улонэз юнмато», – пусйиз Эдуард Петров.

Вормисе потӥзы тужгес но усто спортсменъёс:

2008-2011-тӥ  аръёсы вордскем пияшъёс (эркын бызьылон, 3 км)
1-тӥ инты – Георгий Филатов
2-тӥ инты – Даниил Прокопьев
3-тӥ инты – Кирилл Григорьев

2005-2007-тӥ аръёсы вордскем пияшъёс (эркын бызьылон, 3 км)
1-тӥ инты – Тимур Уткин
2-тӥ инты – Роман Лялин
3-тӥ инты – Леонид Бутаков

1988-2004-тӥ аръёсы ворсдкем воргоронъёс (эркын бызьылон, 3 км)
1-тӥ инты – Рамиль Валиахметов
2-тӥ инты – Расим Ахмедов
3-тӥ инты – Анатолий Зайцев

1968-1987-тӥ аръёсы ворсдкем воргоронъёс (эркын бызьылон, 3 км)
1-тӥ инты – Дмитрий Веретенников
2-тӥ инты – Игорь Кузнецов
3-тӥ инты – Анатолий Люкин

1967-тӥ аре вордскем но бадӟымгес воргоронъёс (эркын бызьылон, 3 км)
1-тӥ инты – Игорь Сундуков
2-тӥ инты – Николай Ложкин
3-тӥ инты – Олег Кононов

2008-2011-тӥ  аръёсы вордскем нылашъёс (эркын бызьылон, 3 км)
1-тӥ инты – София Корнилова
2-тӥ инты – Сабрина Чобан
3-тӥ инты – Дарья Багалова

2005-2007-тӥ аръёсы вордскем нылашъёс (эркын бызьылон, 3 км)
1-тӥ инты – Екатерина Шкляева
2-тӥ инты – Алина Ганькова
3-тӥ инты – Полина Орешникова

1988-2004-тӥ аръёсы ворсдкем нылкышноос (эркын бызьылон, 3 км)
1-тӥ инты – Елена Курбатова
2-тӥ инты – Софья Владыкина
3-тӥ инты – Анна Вершинина

1968-1987-тӥ аръёсы ворсдкем нылкышноос (эркын бызьылон, 3 км)
1-тӥ инты – Ольга Веретенникова
2-тӥ инты – Елена Полегаева
3-тӥ инты – Ольга Лушина

1967-тӥ аре вордскем но бадӟымгес кышномуртъёс (эркын бызьылон, 3 км)
1-тӥ инты – Юлия Шамшурина
2-тӥ инты – Надежда Машковцева
3-тӥ инты – Раиса Широбокова.

Соосты нимысьтыз медальёсын но дипломъёсын пусйизы, нош пыриськисьёс сертификатъёс басьтӥзы.

Тодэ вайытоно, конфессиос куспын спартакиада азинтӥськоз 18-тӥ инвожое С.М. Киров нимо паркын капчи атлетиакая бызьылонэн. Йылпумъяськоз – скандинавской ветлонэн. Таиз ужрад ортчоз 10-тӥ куарусёнэ Драгунов нимо оружейникъёслэн скверазы.