«Ёрдынские игры – игры народов Евразии» калыккуспо этнокультурной фестиваль 16-18-тӥ инвожое Иркутск улосвылын радъяськоз но кӧчылыса ветлӥсь калыкъёсты котыраз люкалоз. Ужрадэ пыриськозы Китай, Казахстан, Кыргызстан, Монголия но Россия шаеръёсысь улосчиос. Асьме музъеммылэсь данзэ утёзы Иркутск улосвылысь, Усть-Ордынской Бурят округысь, Бурятиысь, Сахаысь (Якутиысь), Калмыкиысь, Алтайысь командаос. Таяз аре, фестивале азьло пыриськисьтэм калыкъёсты ӧтьыса, делегациослэсь лыдзэс будэтыны малпазы. Пыриськисьёсты возьмалозы евразийской калыкъёслэн круген эктонзы, киын пӧртэм арбериосты лэсьтӥсь усточиослэн ярмарказы, «Красавица Ёрдынских игр» нимо тужгес но яркыт но вунонтэм вожвылъяськон. Озьы ик луонлык луоз «Бухэ барилдан» бурят йӧскалык нюръяськонъя тюрнире, пукыӵен ыбылӥськонэ, мас-рестлинге (бодыез кыскон), йӧскалык якут тэтчанэ, изэз нуллонъя ӵошатсконэ, шатар шахматъёсы, вал вылын вортылонэ пыриськыны. Спортивной программалэн бадӟым ужрадэз – «Игры баторов (богатырей) Срединного мира». Шаман тайлаган (молебен) но Ехе Ёрд гурезь котырын Ёхор круген эктон фестивальлэн вунэтонтэм люкетъёсыз луо.

Тодэ вайытоно, Ёрдын шудонъёс ог 20 ар ӵоже Россиысь пӧртэм улосвылъёсысь но быдэс дуннеысь сюрсъёсын лыктэм куноосты ас бордазы кыско.

Ивортодэт https://irkobl.ru/news/2322551/ вотэсбамысь пыр-почгес