30-тӥ инвожое Кез ёросысь Кулига черкогуртын староверъёслэн лулчеберетлы сӥзем «ИСТОКИ КАкие МЫ?» улосвылкуспо фестиваль радъяськоз.

Таче ужрад арлы быдэ 2013-тӥ арысен ортче. Валтӥсь меретэз солэн – староверъёслэсь аспӧртэмлыко лулчеберетсэс утён но азинтон.Туэ шулдыръяськонлэн тодметпусэз – ӵушкон, угось со вашкала осконэз возись ӟучъёслэн сям-йылолъёсазы бадӟым инты басьтэ. Яркыт узоръёсын пужыятэм ӵушконъёс пусъёс пыр быгатыса верало семьяен, музъемен но осконэн герӟаськем сям-нергеос сярысь. Куноос учкыны быгатозы гуртоосын дасям ӵушконъёсын адӟытон адзытонэз. Озьы ик ужрадъясьёс чаклазы ӵушкон но кускерттон куыны дышетонъя мастер-классъёслэсь ужзэс. Та празднике вуыса гинэ верьяны быгатоды староверъёслэсь калык сиёнъёссэс (томлёнка, губнича, щерба, шти но мукет).