Удмурт Элькунысь йӧскалык политикая министерство но удмурт лулчеберетъя «Дэмен» мерлыко огазеяськон ивортодэт технологиос сфераын ӵектосъёсъя «ИНБАМ» вожвылъяськон ортчытозы.

Вожвылъяськон ортчытӥське удмурт кылын ИT-ӵектосъёсты улонэ пыӵатыны юрттон, ИT-ӵектосъёсын ужась ӧнерчиосты удмурт кылэз утён, азинтон но вӧлмытон уже кыскон, удмурт кылын программаос кылдытон вылысь.

Вожвылъяськон радъяське «Россиын улӥсь калыкъёслэсь кусыпъёссэс юнматон но лулчеберетсэс азинтон (2014-2020-тӥ аръёс)» нимысьтыз ужась федерал кун программаез быдэстон улсын.

Важвылъяськонэ пыриськон понна заявка сётоно 1-тӥ пӧсьтолэзьысен 25-тӥ пӧсьтолэзёзь таӵе адресъя: 426063 Ижкар к., Орджоникидзе ур., 33 А юрт, Удмурт Элькунысь йӧскалык политикая министерство, 2-тӥ бӧлет.

Пыр-поч ивортодэт басьтыны луэ вожвылъяськонлэн Валатэтысьтыз.

Герӟет тодэтъёс:

Удмурт Элькунысь йӧскалык политикая министерство, Ижкар к., Орджоникидзе ур., 33 А, тел: (3412) 68-77-98, e-mail: minnac@udm.net, нимлыко вотэсбам: www.minnac.ru

(3412) 68-83-78 – Изместьев Виталий Александрович;

(3412) 68-77-98 – Елизавета Владимировна Ложкина.

«ИНБАМ» вожвылъяськон сярысь валатэт

Нимаз адямиослы заявкалэн кабез

Огазеяськонъёслы заявкалэн кабез