«Нарвуз» – тюрк но иран калыкъёслэн нимысьтыз праздниксы, кудзэ Удмурт шаерын котькуд ар «Достлуг» азербайджан мерлык центр радъя. Таяз аре но «Нарвуз» трос калыкез ас котыраз люказ.

Озьы ик, та шулдыръяськонэз «мусульман выль ар» шуыса нимало, кудӥз 21-тӥ южтолэзе ортче. Вашкала персид кылысь «Навруз» «выль нунал» шуыса берыктӥське. Озьыен, та праздник нуналэ быдэс дунне вылдӥське шуыса лыдъяське.

Шулдыръяськон бадӟым концертэн кутскиз. Сцена вылын асьсэды возьматӥзы азербайджан коллективъёс но арнянунал (воскресной) школаосысь кырӟасьёс но дышетскисьёс.

Пыриськисьёслы но лыктэм куноослы ӟечкылан кылъёсын вазиськиз УЭ-ысь йӧскалык политикая министр Эдуард Петров но «Достлуг» центрлэн кивалтӥсез Зульфигар Рагим оглы Мирзаев.

«Гажано эшъёс! Та югыт праздник мед кузьмалоз шумпотон но капчи мылкыд. Улонды мед выльдӥськоз, кайгырон но висёнъёс палэнтӥ мед ортчозы!», – пусйиз министр.

Ужрад Космонавтъёслы сӥзем паркын тылскем котырын эктонъёсын, кырӟанъёсын азьланьтӥськиз. Со сяна, куноос выставка-адӟытонэн тодматскизы но пӧртэм сиён-юонъёсты веръязы.

Калыкъёслэн эшъяськон юртсылэн ивортодэтэзъя ДДН