Ижкар епархилэн Лулпуш-югдытон центраз черкын служба нуисьёслы квалификацизэс ӝутонъя курсъёс кутскизы.

Та курсъёс котьку ортчытӥсько но черкын служба нуисьёслэсь удысужлыко тодон-валанъёссэс выльдытон ласянь пайдаё уж луо. Курсъёсы пыриськыны быгато клирикъёс, кудъёсыз вылӥ дышетскон ужъюртэз 3 ар талэзь азьло быдтӥзы ини.

«Современные государственно-конфессиональные отношения» темая нырысетӥ лекциез нуон понна ӧтизы Михаил Степинэз, Удмурт Элькунысь йӧскалык политкая министерствоысь мониторингъя но йӧскалык кусыпъёсты эскеронъя ёзэтлэсь валтӥсь воштӥсьсэ. Михаил Вячеславович курсэ пыриськисьёслы Россия Федерациысь кун йӧскалык политикалэн азьмугъёсыз, возетъёсыз, ужпумъёсыз но валтӥсь ужан ӧръёсыз сярысь вераз. Со сяна, РФ-ысь Президентлэн «Об утверждении Основ государственной политики по сохранению и укреплению традиционных духовно-нравственных ценностей» (2022-тӥ ар, 9-тӥ шуркынмон, № 809) выль Указэз сярысь ивор-валэктон сётӥз.

Ижкарын черкын служба нуисьёслы квалификацизэс ӝутонъя курсъёс 25-тӥ шуркынмонозь кыстӥськозы. Дышетскон бырем бере пыриськисьёс экзамен сётозы, нош выпускной квалификаци ужез утён – йылпумянэз луоз.

Курсъёсты Ижкар епархиысь Религиозной дышетонъя но катехизацияя ёзэт радъя.