21-22- тӥ оштолэзе Россиысь Следствия Комитетлэн Удмурт Элькунысь Следствия кивалтонниез, Удмурт Элькунысь йӧскалык политикая, Физкультурая, спортъя но егитъёсын ужан политикая министерствоос, Калыккуспо восточно-европейской институт, Удмурт кун университет, М.Т. Калашников нимо техникая Ижкарысь университет, Юстиция Рссиысь кун университетлэн Ижкарысь институтэз, Удмурт Элькунысь Кивалтэтлэн но Тӧролэн Администрациезлэн юрттэменыз «Актуальные проблемы противодействия экстремизму и терроризму в молодёжной среде» темая тодослыко конференци радъяло.

Конференцие пыриськозы: Удмурт Элькунысь Кивалтэт Тӧролэн воштӥсез А.Л. Кузнецов, Россиысь Следствия Комитетлэн Удмурт Элькунысь Следствия кивалтонниезлэн кивалтӥсез В.А. Никешкин, следствия кивалтонниысь ӧнерчиос, эрикрадэз утись ёзэсъёсысь ӧнерчиос, кун тӧрлыклэн быдэсъясь ёзэсъёсыз, вылӥ дышетон ужъюртъёсысь тодосчиос.

21-тӥ оштолэзе 10.00 часэ Удмурт Элькунысь Кивалтэтлэн юртаз конференциез усьтон ужрад ортчоз, «Правовые методы противодействия экстремизму и терроризму в молодёжной среде» темая секци ужзэ радъялоз.

22-тӥ оштолэзе конференци ужзэ азинтоз. Восточно-европейской институтлэн кенешон бӧлетаз (Ижкар к., Пушкинской ур., 268, 212-номеро бӥлет). Та нуналэ ужзэс радъялозы «Психолого-педагогические факторы профилактики экстремизма и терроризма в молодёжной среде» но «Социально-экономические факторы профилактики экстремизма и терроризма в молодёжной среде» темаосъя секциос.