Удмурт Элькунмылэн котькудаз сямен ёросаз ужало Ӟуч лулчеберетъя центръёс. Туннэ нуналлы соослэн огъя лыдзы – 47. Валтӥсь ужпумзы – ӟуч лулчеберетэз утён, азинтон но вӧлмытон. Та Цетръёслэсь ужзэс азинтон, соослэн ужъёсынызы калыкез тодматон, ӟуч калыклэсь лулчеберетсэ вӧлмытон муген Ӟуч лулчеберетъя мерлыко огазеяськон быдэс ар ӵоже быдэстоз «В кругу друзей» проектсэ. Озьы Ижкарын улӥсьёс ар ӵоже ёросъёсысь огазеяськонъёсын, коллективъёсын, азьветлӥсьёсын тодматскыны быгатозы. Пумиськонъёс радъяськозы «Русский дом» центрын.

Нырысетӥез ужрад сӥземын луоз Сарапул карысь центрлы. Со радъяськоз 15-тӥ южтолэзе. Кутсконэз 12.00 часын.

Азьланяз проектэ пыриськозы мукет ёросъёс но. Оштолэзе тодматскыны луоз Якшур-Бӧдья ёросэн, пӧсьтолэзе – Сарапул ёросэн, куарусёнэ – Можка карен, коньывуонэ – Ува ёросэн, арез йылпумъялоз Дэбес ёросэн тодматскон. Ужрадъёслэн ӵапак дырзы сярысь бергес тодмо луоз

Ватсаса но пыр-поч ивортодэт басьтыны луоз таӵе телефонъёсъя: 63-10-36, 63-10-55.