11-12-тӥ тулыспалэ Калыкъёслэн Эшъяськон юртазы «Мынам Россие – калыкъёслэн ӵошен улонзы. Йӧскалык кусыпъёс удысын ванёс центръёслэсь ужзэс радъян» ӵектослэн нырысетӥ семинарез радъяськоз.

Ӵектосэз быдэсто «Россиысь калыкъёслэн ассамблеязы» мерлыко огазеяськон но «Йӧскалык кусыпъёс удысысь ванёс центр» коммерциен герӟаськымтэ аскивалтӥсь огазеяськон Президент грантъёсъя фондлэсь грантсэ ужазы кутыса.

Семинар сӥземын этнокультура удысысь ванёс центръёслэсь ужзэс азинлыко радъянлы, стратегия бордын ужанлы. Ужрадэ ӧтемын мерлыко огазеяськонъёслэн кавалтӥсьёссы но ёзчиоссы, ванёс центръёсысь ӧнерчиос, кун кивалтэт езэсъёсысь быръем муртъёс.

Семинар куинь оръя радъяськоз.

– «Написание заявок на гранты» – модераторез Тульчинская Татьяна Владимировна, «Все вместе» юрттэт сётӥсь фондлэн кенешезлэн тӧроез, «Здесь и сейчас» юрттэт сётӥсь фондлэн кивалтӥсез, Президент грантъёсъя фондлэн экспертэз;

-«Медиация как инструмент профилактики и разрешения конфликтов в сфере межнациональных отношений» – модераторез Гордийчук Николай Валентинович, востоковед но антрополог, «Центр этномедиации» коммерциен герӟаськымтэ аскивалтӥсь огазеяськонлэн кивалтӥсез, Медиаторъёслэн йӧскалык огазеяськонзылэн ёзчиез, Европаысь трансформативной медиаторъёслэн ассоциацизылэн ёзчиез, Медиацияя федерал институтлэн тодослыко ужасез;

— «Деятельность ресурсных центров» – ӵектонъёс пӧлысь валтӥсьёссэ быръён, азинтӥськон стратегиез кылдытон, йӧскалык куспыпъёс удысысь ванёс центръёслэсь кусыпъёссэс радъян.

Семинарлэн программаез:

11-тӥ тулыспал

13.00 – 14.00 – семинарез усьтон

14.00 – 16.00 – группаосын ужан

16.00 – 16.30 – шутэтскон

16.30 – 19.00 – группаосын ужан.

12-тӥ тулыспал

10.00 – 12.00 – группаосын ужан

12.00 – 12.30 – шутэтскон

12.30 – 14.00 – группаосын ужан

14.00 – 15.00 – шутэтскон

15.00 – 16.30 – группаосын ужан

16.30 – 17.30 – семинарлы йылпумъянъёс лэсьтон.

Ватсаса юалляськоно таӵе телефонъёсъя: 8 (3412) 63-10-06, 8- 919-912-93-08 – Широкова Светлана Евгеньевна, Калыкъёслэн Эшъяськон юртысьтызы ӧнерчи.