31-тӥ южтолэзе Калыкъёслэн Эшъяськон юртазы Россия но Беларусия кунъёслэн огазеяськем нуналзылы сӥзьыса концерт радъяськоз.

Сӥё-дано ужрадэ мерлыко огазеяськонъёслэн колликтивъёссы пыриськозы: удмурт эктонъя «Чебеляй» студия, калык кырӟанъя «Разноцвет» но «Росиночка» ансамбльёс, «Илан» хореографи ансамбль, бигер кырӟанъя, крезьгуръя но эктонъя «Асылъяр» ансамбль, «Югендхайм» хореографи ансамбль, бигер егитъёслэн «Иман» огазеяськонзылэн коллективез, азербайджан эктонъя«Одлар юрду» ансамбль, «Урарту» армян огазеськонлэн коллективез, эктонъя «Птица счастья» ансамбль, «Чильтэр» фольклор ансамбль, Ижкарысь крезьгуръя колледжлэн «Татьянин день» нимо хорез.

Ужрад кутскоз 18.00 часэ. Ватсаса ивортон басьтыны луоз таӵе телефон номеръя: (3412) 62-10-27 – Калыкъёслэн Эшъяськон юртысьтызы ужрадъёс ортчытонъя ёзэт.

Ватсаса:.

Арлы быдэ 2-тӥ оштолэзе пусйиське Россиен Беларусилэн огазеяськон нуналзы. Ӵапак та нуналэ 1996-тӥ аре та кунъёслэн президентъёссы «Россия но Беларусь кунъёслэсь огазеяськонзэс кылдытон сярысь» огкыл гожтӥзы. Нош 1997-тӥ аре та нуналэ ик Беларусен Россиялэн огазеяськонзы сярысь огкыл гожтэмын. Огазеяськонлэн валтӥсь меретъёсыз: калыклэсь улон радзэс ӝутон, вынлыко но эшлыко кусыпъёсты но политика, экономика, мер удысъёсын ӵошен ужанэз юнматон, кунъёслы мер но экономика ласянь азинтӥськыны юрттон.