25-тӥ куартолэзе Удмурт Элькунысь Тӧролэн но Кивалтэтлэн Резиденцияз «Гражданское общество и гармонизация межэтнических отношений через призму СМИ» нимо видеоконференция радъяськиз. Та ужрад улсын ик Россия Федерациысь мерлыко палаталэн пӧртэм выжы калыкъёслэсь но пӧртэм осконэн калыкъёслэсь кусыпъёссэс радъянъя комиссилэн кивалтӥсез Иосиф Дискин но Калык кусыпъёсъя журналистикалэн гильдиезлэн кивалтӥсез Маргарита Лянге Школалэн дышетскисьёсызлы видеомост ортчытӥзы.

Вераны кулэ, Ижкарын сяна, таӵе ик школа Россиысь эшшо 22 улосъёсын радъямын вал. Дышетскон программа улсын студентъёс-журналистъёс но егит ӧнерчиос ивор вӧлмытон сӧзнэтъёсын калык кусыпъёсын герӟаськем юанъёсты, темаосты сэрттон-пертчонлэн аспӧртэмлыкеныз тодматскизы, йӧскалык ужрадъёсы но шулдыръяськонъёсы вуылӥзы, мукет улосысь студентъёсын видеоконференцие пыриськылӥзы, соосын ӵош огъя медиа-ӵектосъёс кылдытъязы. Ужрадлэн пумаз котькудӥз дышетскись сертификатэн пусъемын вал.Нош пӧсьтолэзе Школалэн тужгес но устоосыз дышетскисьёсыз Москвае йылпумъян конференцие но Россиысь одӥгаз улосэ пресс-туре пыриськозы.