Удмурт Элькунысь йӧскалык политикая министерстволэн но Удмурт кун университетлэн юрттэмзы улсын, Йӧскалыккуспо журналисткая школа нош ик дышетскисьёс люка.

Тулыспал толэзе Йӧскалыккуспо журналистикая Гильдия студентъёслы но егит журналистъёслы (28 аресозь) Россиысь 25 каръёсын (Москва, Санкт-Петербург, Архангельск, Астрахань, Барнаул, Владикавказ, Волгоград, Воронеж, Ижевск, Иркутск, Йошкар-Ола, Калининград, Красноярск, Кызыл, Махачкал, Новосибирск, Псков, Самара, Сыктывкар, Томск, Улан-Удэ, Уфа, Чебоксары, Элиста и Якутск) дышетон радъялоз.

Занятиосты «Альтернатива языку вражды в российском медиа-пространстве» огъя федерал программая ортчытыны чакламын. Дышетскисьёс 4 толэзь ӵоже Россиын улӥсь калыкъёслэн лулчеберетэнызы, калык кусыпъёсты югдытон удыслэн аспӧртэмлыкеныз, кӧчылон политика удысын ужпумъёсын но шуг-секытъёсын тодматскозы. Асьсэлэсь ужъёссэс соос Гильдилэн «Национальный акцент» интернет-порталаз поттыны быгатозы. Школаез йылпумъякузы иворчиос сертификат басьтозы. Нош тужгес но устоосыз но золъёсыз дышетскисьёс пӧсьтолэзе йылпумъян конференцие пыриськозы, кудӥз орточз Москваысь кун университетын, журналистикая факультетын.

«Альтернатива языку вражды в российском медиа-пространстве» курсэз Йӧскалыккуспо журналистикая гильдия Россия Федерацилэн Президентэзлэн грантэз улсын быдэстэ, соин ик дышетскон дунтэк радъяське.

Тодон-валанзэ будэтыны мылкыд карисьёслы вазиськоно Константин Ижболдинлы, Йӧскалыкуспо журналистикая гильдилэн улосвыл ёзэтэзлэн кивалтӥсезлы, izhboldin74@mail.ru почта пыр.